Surat Al-Talaq Ayat No.4

Aur Jo Allah Ta'ala Say Darta Hai.
Allah Ta'ala Uskay Liye Muamlat
May Aasani Paida Kar Detay Hain
Reference :
Surat Al-Talaq
Ayat No.4

Surat Al-Kahaf Ayat No.7

"Jo Cheez Zameen Par Hai
Ham Nay Usko Zameen Kay
Liye Aaraish Banaya Hai...
Takay Logon Ki Aazmaish Karain
Kay In May Kon Achay Aamaal
Karnay Walay Hain."
Al-Quran
Surat Al-Kahaf
Ayat No. 7

Raaton Ko Uthna

Kuch Shak Nahi Kay Raat Ka Uthna
NAFS Ko Sakht Pamal Karta Hai...
Aur Us Waqt Zikar Bhee Khoob
Durust Hota Hai...

Surat Al-Ikhlas

1. Kaho Kay Wo Zaat-e-Paak
Jiska Naam Allah Hai Aik Hai.
2. Mabood-e-Bar Haq Jo Bay
Nayaz Hai.
3. Na Kisi Ka Baap Hai Aur Na
Kisi Ka Baita.
4. Aur Koi Uska Hamsar Nahi.

Hazrat Yusuf Alaihissalam Ki Dua

Yusuf Alaihissalam Nay Dua Ki
Aye Parwrdigar Jis Kaam Ki Taraf
Mujhay Ye Bulati Hain.
Iski Nisbat Mujhay Qaid Pasand Hai.
Aur Agar Tu Mujh Say Inkay Faraib
( Makar ) Ko Na Hataye Ga To Mein
Inki Taraf Mayel Ho Jaoon Ga Aur
Na Danon May SAy Ho Jaoon Ga
To Allah Nay Inki Dua Qubool Kar Li
Aur Inn Say Auraton Ka Makar Rafa
Kar Diya
Beshak Wo Sun'nay Wala Jan'nay Wala
Hai.
Surat Al-Yusuf : 33-34

Auraton Ka Hath Katna

" Aur Badshah Nay Hukam Diya Kay
Yusuf Ko Meray Paas Lay Aao,
Jab Qasid Unkay Paas Gaya To Unho ( Yani Yusuf )
Nay Kaha Kay Apnay Aaqa Kay Paas Wapis Jao
Aur Un Say Poocho Un Auraton Ka Kaya
Haal Hai Jinho Nay Apnay Hath
Kaat Liye Thay. Beshak Mera Parwardigar
In Kay Makron Say Khoob Waqif Hai. "
Surat Al-Yusuf : 50

In.Sha.Allah Kehnay Ka Hukam

" Aur Kisi Kaam Ki Nisbat Ye Na Kehna
Kay Mein Isay Kal Kar Doonga. Magar
( InshaALLAH Keh Kar Yani Agar )
KHUDA Chahay To ( Kardoonga )
Aur Jab Khuda Ka Naam Lena Bhool Jao To,
Yaad Aanay Par Lay Lo Aur Keh Do Kay
Mujhay Umeed Hai Kay Mera Parwrdigar
Mujhay Iss Say Bhee Zeyada Hidayat Ki
Batain Bataye. "
Surat Al-Kahaf : 23-24

Nafa - Nuqsan

Al-QURAN
Aur Jo Kuch Nuqsan Tum Ko Ho
Uss Pay Dil Shikasta Na Ho,
Aur Jo Kuch Allah Tumhay Ata
Farmaye, Uss Par Phool Na Jao,
Allah Aisay Logon Ko Pasand
Nahi Karta...
Juma Mubarik..

Kamyabi Ka Paigham

Lab Pay Hadeeso Ki Rawani Lay Chal,
Seenay May Aayaat-e-Qurani Lay Chal,
Agar Milna Ho Bagh-e-Jannat May,
To Paishani Pay Sajday Ki Nishani Lay Chal,
Agar Zinda Rehna Hai 2 Jahanon May,
To Allah Ki Raah May Apni Jawani Lay Chal,

Dua Ibadat Hai

" Aur Tumharay Rab Nay Irshad Farma Diya Hai
Kay Mujh Say Dua Karo Mein Qubool Karoon
Ga, Beshak Jo Loge Meri Ibadat ( Dua ) Say
Takabbur Kartay Hain, Anqareeb Wo Zaleel-o-
Khawar Kar Kay Jahannum May Daal Diye Jayen
Gay. "
Surat Al-Momin : 60

Allah Ki Raah May Kharch Karna

" Allah Ki Raah May Kharch Karo
Aur Apnay Aap Ko Halakat May
Na Daalo, Aur Neki Karo, Beshak Allah
Neki Karnay Walon Ko Pasand Karta Hai. "
Holy Quran ( 02:195 )